أفتديكِ....

موضوع: أفتديكِ.... الأربعاء يوليو 06, 2011 9:42 am

أفتديكِ

يللي جوه نن عيني و قلبي ساكن
روحي ملكك و امتلك كل الأماكن
فوق شفايفي غنوه حلوه فوق لساني
قلتها من كل وجداني .. و لكن
***
يا حبيبتي جارت العزال عليا
يحسدوني ان حبك احلى ما في الكون و فيا
و ان حبك زي شمس الصبح تسطع جوه قلبي
و ان ريقك يا حبيبتي نبع ميه
***
يوم هنايا يا ضحى ساعة ما شوفك
يرتعش حرفي و يرقص بين حروفك
و القى ايدي دايبه دوب في حضن ايدك
و القى خوفي كله داب في بحر خوفك
***
اضحكيلي خللي كل الدنيا ملكي
سمّعي العزال صدى ضحكك و ضحكي
و ان غفت راسي على صدرك سيبيها
عيني تنعس و الشفايف عاوزه تحكي
***
يا ضحى كل الكلام الحلو ليكي
كل نبضة قلب بترفرف عليكي
و ان لاموني مهما لاموا أو لاموكي
اوعي يوم تنسي اللي بينا.. افتديكي

موضوع: رد: أفتديكِ.... الخميس يوليو 07, 2011 4:12 pm

الموضوع كتير رائع
الف شكر موضع في قمة الروعه
تسلم الانامل
تحيـــــــــــــاتي